आजबाट आन्दोलन घोषणा गरेका निकोलस भुसाल बेपत्ता, प्रहरीले खोजी गर्दै

अनलाइन नेपाल

आइतवार , कार्तिक १६, २०८२

आजबाट आन्दोलन घोषणा गरेका निकोलस भुसाल बेपत्ता, प्रहरीले खोजी गर्दै

काठमाडौं । आइतबारदेखि माइतीघरमा प्रदर्शन गर्ने घोषणा गरेका अभियन्ता निकोलस भुसाल बेपत्ता भएका छन् ।

आज दिउँसो २ बजेदेखि प्रदर्शन गर्ने भन्दै सामाजिक सञ्जालबाट घोषणा गरेका भुसाल बेपत्ता भएका हुन् ।

काठमाडौंका विभिन्न प्रहरी टोली बिहानैदेखि भुसालको खोजी गरिरहेका छन् ।

नशाको तालमा उनले कार्यक्रमको घोषणा गरेको र त्यसले मुठभेड निम्त्याउने खतरा रहेका कारण त्यसअगावै उनलाई नियन्त्रणमा लिन लागिएको प्रहरीस्रोतले जनाएको छ । प्रहरी स्रोतका अनुसार उनी भेटिएमा रिह्याव सेन्टरमा पठाउने तयारी छ ।

तर, उनी कसैको सम्पर्कमा छैनन् । प्रहरीले उनको परिवारसंग सम्पर्क गर्दा परिवारका सदस्यले पनि आफूहरूको सम्पर्कमा नरहेको भनेका छन् । उनी बस्ने डेरामा पुग्दा बाहिरबाट साँचो लगाइएको पाइएको छ, मोबाइलको स्वीच पनि अफ छ ।

स्रोतका अनुसार भुसालले प्रदर्शन गर्ने खबरपछि एमालेसम्वद्ध युवा संघ र काठमाडौंका मेयर बोलन साहका समर्थकले उनको प्रतिकार गर्ने योजना बनाएका छन् ।

काठमाडौं जिल्ला प्रशासन कार्यालयले यसअघि नै माइतीघर मण्डला लगायतका स्थानमा कुनै पनि सभा, जुलुस वा प्रदर्शन नगर्न सूचना जारी गरिसकेको छ ।

यस्तै अनुमति नलिई कार्यक्रम गरेमा नियन्त्रणमा लिने जिल्ला प्रहरी प्रवक्ता एसपी पवन भट्टराईले बताए ।

यसअघि गत असोज २३ गते माइतीघर मण्डलामै प्रदर्शनका क्रममा भुसाल पक्राउ परेका थिए ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

आजबाट आन्दोलन घोषणा गरेका निकोलस भुसाल बेपत्ता, प्रहरीले खोजी गर्दै