Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
बुधवार , कार्तिक १२, २०८२
काठमाडौं । नेपाली कांग्रेसमा आगामी राजनीतिक दिशा र संगठनात्मक रणनीतिलाई लिएर आन्तरिक गतिविधि तीव्र बन्दै गएको छ ।
पार्टीका कार्यवाहक सभापति पूर्णबहादुर खड्काले बुधबार ललितपुरको धोबीघाटस्थित सिद्धार्थ कटेजमा आफू निकटका शीर्ष नेताहरूसँग विशेष बैठक गरेका छन् ।
खड्का निकट पदाधिकारी, पूर्वपदाधिकारी र केन्द्रीय सदस्यहरू गरी करिब ७५ जना सहभागी रहेको सो बैठक आगामी फागुन २१ गतेका लागि तोकिएको निर्वाचनमा पार्टीलाई केन्द्रित गर्ने निष्कर्षमा पुगेको सहभागी नेताहरूले बताएका छन् ।
बैठकमा संगठन सुदृढीकरण, उम्मेदवार छनोट प्रक्रिया र केन्द्रदेखि स्थानीय तहसम्मको चुनावी तयारीबारे विस्तृत छलफल भएको बताइएको छ ।
सहभागीहरूका अनुसार कार्यवाहक सभापति खड्काले 'महाधिवेशनको बहानामा संगठन कमजोर बनाउने होइन, एकतालाई बलियो बनाउँदै चुनावी मैदानमा केन्द्रित हुनुपर्छ' भन्ने सन्देश दिएका थिए ।
यसैबीच, पार्टीभित्र महाधिवेशनको मिति तोक्ने वा विशेष महाधिवेशन गर्ने विषयमा मतभेद कायम छ । महामन्त्रीद्वय गगन थापा र विश्वप्रकाश शर्माले मंसिर महिनाभित्रै विशेष महाधिवेशन गर्नुपर्ने अडान लिँदै आएका छन् ।
यदि केन्द्रीय समिति बैठकले स्पष्ट निर्णय नगरे, इतरपक्षले बेग्लै भेला बोलाउने तयारी समेत गरेको बताइएको छ ।
© 2026 All right reserved to onlinenepal.com
Design & Developed By
