म नेपालको छोरो हो, भारतीय होइन : सुदन गुरुङ

अनलाइन नेपाल

आइतवार , भाद्र २९, २०८२

म नेपालको छोरो हो, भारतीय होइन : सुदन गुरुङ

काठमाडौं । हामी नेपाल संस्थाका संयोजक सुदन गुरुङले आफू नेपाली नागरिक भएको स्पष्ट पारेका छन् । आइतबार रिपोटर्स क्लबमा आयोजित पत्रकार सम्मेलनमा गुरुङले सो कुरा स्पष्ट पारेका हुन् ।

उनले आफूलाई बारम्बार फाउन्डेशन वा फ्रितिब्बतसँग जोडेर भारतीय भन्ने शैलीमा समाचार आएको गुनासो गर्दै भने, “म नेपालकै छोरो हुँ, मलाई भारतीय भन्नु गलत र मेरो इज्जतमा आघात हो।”

गुरुङले जेनजी आन्दोलन नेपाली युवाहरूकै सामूहिक आह्वानमा भएको स्पष्ट पार्दै आफूले पनि त्यसका लागि आह्वान गरेको बताए । “हामी युवाहरूले देशका लागि आन्दोलन गरेका हौं, ठूलो परिवर्तन ल्याएका छौं, तर माग अझै पूर्ण रूपमा पुरा नभएकाले आन्दोलन जारी छ,” उनले भने ।

उनले आन्दोलनका क्रममा युवाहरूले ज्यान गुमाएको स्मरण गर्दै आफू उनीहरूको बलिदानको पक्षमा लडिरहेको स्पष्ट पारे। “मेरा लागि देश नै सबैभन्दा माथि छ,” गुरुङको भनाइ थियो।

प्रतिक्रिया दिनुहोस्

नयाँ अपडेट

थप नयाँ अपडेट

म नेपालको छोरो हो, भारतीय होइन : सुदन गुरुङ