Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
शनिवार, जेठ २३ गते २०८३
Jun 06 2026 | २०८३, जेठ २३ गते
06 Jun 2026 | शनिवार, जेठ २३ गते २०८३
आइतवार , आषाढ १, २०८२
हेटौंडा । बागमती प्रदेश सरकारमा बजेटको आकारका विषयमा सत्ता साझेदार दल नेपाली कांग्रेस र नेकपा एमालेबीच नै विवाद भएको छ ।
शनिबार राती भएको घटनाको विषयलाई लिएर सत्ता साझेदार दलबीच विवाद भएको हो । जसका कारण तीन बजेका लागि बोलाइएको बैठक सात बजेका लागि सारिएको छ ।
शनिबार राती बागमती प्रदेशको आर्थिक मामिला तथा योजना मन्त्रालयमा बजेटको अन्तिम तयारी गरिरहँदा मन्त्री र सचिवबीच भनाभन भएको खुलेको छ ।
बजेटको अन्तिम तयारी गरिरहेका को कार्यकक्षमा पुगेर आर्थिक मामिला तथा योजना मन्त्री कुन्दनराज काफ्ले र मन्त्रीको सचिवालयमा रहेका केही कर्मचारीहरुले उनीमाथि दुर्व्यवहार गरेको स्रोतको दाबी छ ।
मन्त्री काफ्लेले सचिव मैनालीलाई बजेट हाल्न अनुचित दबाब दिएको र त्यस प्रस्तावको अस्वीकार गर्दा उनीमाथि दुर्व्यवहार भएको बताइएको छ । दुर्व्यवहारपछि सचिव मैनाली सम्पर्कविहीन भएको एमाले नेताहरूले आरोप लगाएका छन् ।
सत्ता साझेदार दल कांग्रेस र एमालेबीच बजेटको आकार ६८ अर्बभन्दा बढी नबनाउने भद्र समझदारी बनेको थियो । तर, प्रभावशाली मन्त्रीहरुको दबाबमा ७२ अर्ब पुर्याउने तयारी भएपछि विवाद बढेको हो ।
तर, मन्त्री काफ्लेले सचिव मैनालीलाई १ अर्ब बजेटका लागि दबाब दिएको स्रोतको दावी छ ।
नेकपा एमाले बागमती प्रदेश संसदीय दलका नेता तथा पूर्वअर्थमन्त्री जगन्नाथ थपलियाले ६८ अर्बभन्दा बढी बजेट बढाउन नपाइने गरी कांग्रेससँग सहमति भएको बताए ।
© 2026 All right reserved to onlinenepal.com
Design & Developed By
