कैलाली । कैलाली बहुमुखी क्याम्पसमा भएको स्ववियु निर्वाचनमा नेपाली कांग्रेस निकट विद्यार्थी संगठन नेपाल विद्यार्थी संघले अग्रता कायमै राखेको छ ।
अध्यक्षमा नेविसंघका सन्तोष पन्तले ४८५ मतसहित अग्रता लिइरहेका हुन् । उनलाई पछ्याइरहेका अखिल क्रान्तिकारीका पवन सुनारले २९१ मत पाएका छन् ।
यस्तै तेस्रोमा अनेरास्ववियुका यमराज जोशीले २४७ मत ल्याए । यसैगरी अम्विका चौधरीले ५५ र सुनिल राज जोशीले ३४ मत पाए ।
यो एक हजार १५४ मत गन्दाको परिणाम हो । बुधबार भएको निर्वाचनमा दुई हजार ५७ मत खसेको थियो । अन्य पदमा पनि नेविसंघका उम्मेदवार अगाडि छन् ।