Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार, जेठ २९ गते २०८३
Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
सोमवार , चैत्र १०, २०८१
काठमाडौं । प्रेस चौतारी नेपालको अध्यक्ष पदका उम्मेदवार राजेश राईले लोकतान्त्रिक प्रक्रियामा सहभागी हुन अनुरोध गरेका छन् ।
सामाजिक सञ्जाल फेसबुकमार्फत वर्तमान उपाध्यक्ष समेत रहेका राईले लोकतान्त्रिक अभ्यासले पार्टीलाई सुदृढ र बलियो बनाउने भन्दै निर्वाचन प्रक्रियामा सहभागी हुन अनुरोध गरेका हुन् ।
उनले यसअघि नै अध्यक्ष पदमा उम्मेदवारी घोषणा गरिसकेका छन् । हिजो १० औं राष्ट्रिय महाधिवेशनको उद्घाटन एमालेका महासचिव शंकर पोखरेलले गरेका थिए ।
आज बिहानबाट निर्वाचन प्रक्रिया शुरू हुनेछ । पार्टी र संगठनको विधान र हाम्रो निर्दिष्ट मुल्य, मान्यता र अभ्यास अनुसार अब अध्यक्ष मण्डलले निर्वाचन प्रक्रियाका लागि निर्वाचन आयोगलाई जिम्मेवारी दिनेछ । सहमति नभए निर्वाचन समितिले आज नै निर्वाचन प्रक्रिया सुरू गर्नेछ ।
अध्यक्ष पदमा राईले उम्मेदवारी घोषणा गरिसकेका छन् । तर अध्यक्षको प्रचार गरिरहेका वर्तमान उपाध्यक्ष गणेश पाण्डेले भने उम्मेदवारी घोषणा गरिसकेका छैनन् ।
राईलाई चौतारीको सर्वसम्मत अध्यक्ष बनाउने गरी गत १८ फागुनमा एमाले सचिवालय बैठकले अध्यक्ष पदका अर्का आकांक्षी पाण्डेलाई प्रचार विभागको सचिव पदमा नियुक्त गरेको थियो ।
तर प्रचार विभाग सचिव पदको शपथ लिइसकेका पाण्डे अहिले आफूलाई अध्यक्ष पदको उम्मेदवार भन्दै प्रचार गरिरहेका छन् । एमालेले पाण्डेलाई नै अध्यक्षको जिम्मेवारी दिने तयारी गरेपछि विवाद सिर्जना भएको छ ।
पाण्डेलाई टिके प्रथाबाट अध्यक्ष बनाउने तयारीमा एमालेका अध्यक्ष केपी शर्मा ओली नै लागेको आरोप छ । तर अध्यक्ष पदका उम्मेदवार राईले भने सबै मतदातालाई लोकतान्त्रिक प्रक्रियामा सहभागी हुन आह्वान गरेका छन् ।
उनले फेसबुकमा लेखेका छन्, 'सबै आदरणीय अग्रज र प्रतिनिधि कमरेडहरुलाई भोलि हुने लोकतान्त्रिक प्रक्रियामा सहभागी भइदिन अनुरोध छ । लोकतान्त्रिक प्रक्रियाले नै हाम्रो प्रणालीलाई मजबुत बनाउने हो । सबै भावना र मनोविज्ञानको एकमुष्ठ सम्बोधन/सम्मान हुनेछ । लोकतान्त्रिक अभ्यासले पार्टीलाई कमजोर होइन, थप सुदृढ र बलियो बनाउनेछ । थप नयाँ उचाईको अपनत्व र स्वमित्व कामय हुनेछ ।'
© 2026 All right reserved to onlinenepal.com
Design & Developed By
