काठमाडौं । न्याय सेवाका बिशिष्टि श्रेणीका कर्मचारीसहित करिब दुई सय जनाको सरुवा भएको छ ।

न्याय सेवा आयोगको बुधबार बसेको बैठकले सरुवा, बढुवा र पदस्थापनको निर्णय गरेको हो ।

दुई सचिवस्तरका कर्मचारीको जिम्मेवारी हेरफेर गरिएको छ । जस अनुसार बेपत्ता पारिएका व्यक्तिहरूको छानबिन आयोग काठमाडौंका सचिव लोकराज पराजुलीको महान्यायाधिवक्ता कार्यालयमा नायब महान्यायाधिवक्ताका रूपमा सरुवा भएको छ।

यसैगरी नायब महान्यायाधिवक्ता खेमराज ज्ञवालीलाई आयोगको सचिवका रूपमा पठाइएको छ ।