काठमाडौं । नेपाली बजारमा आज सुनको मूल्य स्थिर रहेको छ।

नेपाल सुनचाँदी व्यवसायी महासंघका अनुसार सुनको मूल्य आज प्रतितोला एक लाख ५२ हजार रुपैयाँमै स्थिर रहेको हो।

हिजो पनि सुनको कारोबार यही मूल्यमा भएको थियो। गएको आइतबार एक हजार पाँच सय रुपैयाँ घटेको सुनको मूल्य त्ययताका दुई दिन घटबढ् भएको छैन।

गएको शुक्रबार एकैदिन सुनको भाउ तोलामा दुई हजार रुपैयाँ बढेर एक लाख ५३ हजार पाँचसय रुपैयाँ पुगेको थियो। आज चाँदीको मूल्य भने प्रतितोला २० रुपैयाँ बढेको छ।

आज चाँदीको मूल्य प्रतितोला एक हजार आठसय ३० रुपैयाँ कायम भएको छ। गएको शुक्रबार प्रतितोला २० रुपैयाँ बढेर चाँदीको मूल्य एक हजार आठसय १० रुपैयाँ कायम भएको थियो।

आइतबार र सोमबार पनि चाँदी सोही मूल्यमा कारोबार भइरहेको थियो।