महोत्तरी । महोत्तरीमा तीनजना विद्यार्थीले एकैसाथ विष सेवन गरेका छन् ।

परीक्षा बिग्रिएपछि बर्दिबास नगरपालिका-१० खयरमारास्थित निर्मल लामा बहुप्राविधिक शिक्षालयमा अध्ययनरत उनीहरुले एकैसाथ विष सेवन गरेका हुन् ।

प्रहरीका अनुसार सिरहा धनगढीमाई नगरपालिका-१० घर भएकी १७ वर्षीया रिङ्कु शर्मा, उषा पण्डित र सन्जु यादव विष सेवन गरेका थिए ।

जसमध्ये रिङ्कु शर्माको मृत्यु भइसकेको छ भने उषा र सन्जुको बर्दिबासस्थित शुभस्वस्तिक अस्पतालमा उपचार भइरहेको छ । तीनै जना जियोमेट्री (अमिन) विषयको प्रथम वर्षका छात्रा हुन् ।

घटनाको सम्बन्धमा अनुसन्धान भइरहेको जिल्ला प्रहरी कार्यालय महोत्तरीले जनाएको छ ।