अछाम । अछामको कमलबजार विमानस्थलमा शनिबार परीक्षण उडान गरिएको छ ।

तत्कालीन विद्रोही माओवादीको आक्रमणमा ध्वस्त भएको विमानस्थलमा ३२ वर्षपछि परीक्षण उडान भएको हो । शनिबार तारा एयरलाइन्सका क्याप्टेन टीएस नगरकोटीले जहाज उडाए ।

२०५८ सालमा निर्माण सम्पन्न भई सञ्चालनको तयारीमा रहेको विमानस्थलको रिपिटर टावर ध्वस्त भएपछि परीक्षण उडानसमेत भर्न नपाउँदै बन्द भएको थियो ।

निर्माण सुरु भएको लामो समयसम्म गति लिन नसकेको विमानस्थलमा आर्थिक वर्ष २०८०/०८१ मा विनियोजित बजेटले विमानस्थलमा ग्राभेल गरिएपछि परीक्षण उडान भएको हो ।