माटोको ढिस्कोमा पुरिएर दुई जनाको मृत्यु

अनलाइन नेपाल

बुधवार , आश्विन १६, २०८१

हुम्ला । माटोको ढिस्कोले पुरिएर दुई जनाको मृत्यु भएको छ ।

मृत्यु हुनेमा हुम्लाको ताँजाकोट गाउँपालिका-३ रामका २५ वर्षीय धुव्र शाही र सोही स्थानकी २४ वर्षकी मनसुरा शाही रहेकी छन् ।

घरभन्दा आधा घण्टाको दूरीमा रहेको औलको सियाणी खोलामा माटो खन्न गएका उनीहरूको ढिस्कोले पुरिएर ज्यान गएको जिल्ला प्रहरी कार्यालय हुम्लाले जनाएको छ ।

उनीहरूसँगै गएका अर्का स्थानीय लालबहादुर शाही सामान्य घाइते भएका छन् ।

आज बिहान दसैंका लागि घर सजावट गर्ने सेतो कमेरो माटो खन्ने क्रममा ढिस्कोले पुरिएर उनीहरूको ज्यान गएको हो ।

मृतकको शव पनि पोस्टमार्टमका लागि स्थानीय स्वास्थ्य संस्थामै राखिएको छ।

प्रतिक्रिया दिनुहोस्

नयाँ अपडेट

थप नयाँ अपडेट

रावल आयोगको प्रतिवेदन कार्यान्वयनमा सरकार सक्रिय, अतिक्रमित सरकारी जग्गा किनबेच र नामसारीमा रोक