Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
मंगलवार, आषाढ २ गते २०८३
Jun 16 2026 | २०८३, आषाढ २ गते
16 Jun 2026 | मंगलवार, आषाढ २ गते २०८३
आइतवार , भाद्र ३०, २०८१
कैलाली । कैलालीको धनगढी उपमहानगरपालिकाले नगर बस सेवा सञ्चालनमा ल्याएको छ ।
उपमहानगरपालिका आइतबार जिल्लाको कैलारी गाउँपालिकाको हसुलियादेखि गोदावरी नगरपालिकाको अत्तरिया रुटमा नगर बस सेवा सञ्चालनमा ल्याएको हो ।
आइतबार फूलबारी बसपार्कमा एक कार्यक्रम गरेर नगर बस सेवाको उद्घाटन गरिएको हो । आइतबार एक कार्यक्रमकाबीच फुलवारी बसपार्कबाट उपप्रमुख कन्दकला रानाले हरियो झण्डा देखाउँदै बस सेवा औपचारिक रुपमा शुभारम्भ गरेकी हुन् ।
उपमहानगरले धनगढीकै के एण्ड के कन्स्ट्रक्सनले नगर बस सेवा चलाउने ठेक्का पाएको छ भने ६ वटा बसबाट नगर बस सेवा सुरु गरिएको छ । असोज १ गतेबाट सुरू हुने नगर बस सेवा बिहान ६ बजेदेखि साँझ ७ बजेसम्म चल्ने छ भने न्यूनतम भाडादर २० रुपैयाँ तोकिएको छ।
नगर बसमा विद्यालय खुलेको दिन धनगढीका बाल बिकास शिक्षक/शिक्षिकाले भने निःशुल्क यात्रा गर्न पाउनेछन् । नगर बस सेवा बिहान ६ बजेदेखि साँझ ७ बजेसम्म नियमित रुपमा सञ्चालन हुनेछ । ६ वटै नगर बसमा सिसिटिभी र जिपिएस जडान गरिएको बताइएको छ ।
नगर प्रमुख गोपाल हमालले स्थानीय किसानले आफ्नो कृषि उत्पादन सहजै बजारसम्म पुगाउन नगर बस सेवाको सञ्चालनले सहयोग पुग्ने विश्वास गरेका छन् ।
फूलबारीमा अस्पताल निर्माण, खेलकुद ग्रामको विकास, भोकेस्नल तालिम केन्द्र, गौशाला निर्माण जस्ता विकास निर्माणका काम गर्न उपमहानगर अग्रसर रहेको पनि नगर प्रमुख हमालको दाबी छ ।
नगर प्रमुख हमालले एकपछि अर्को जनपक्षीय काम गर्दै आएका छन् । उनको उपस्थितीले पछिल्लो समय धनगढी उपमहानरपालिकाको स्वरुप नै फेरिन थालेको छ ।
© 2026 All right reserved to onlinenepal.com
Design & Developed By
