काठमाडौं । बेलायतका उपप्रधानमन्त्री डोमिनिक राबले राजीनामा दिएका छन् ।

कर्मचारीलाई धम्क्याएको आरोप लगाएपछि विवादमा परेका राबले शुक्रबार राजीनामा दिएका हुन् ।

ऋषि सुनक सरकारमा उपप्रधानमन्त्री तथा न्यायमन्त्रीको पद सम्हालिरहेका राबले राजीनामा पत्रको प्रतिलिपि ट्विटरमा पोस्ट गरेका छन् ।

यसअघि विपक्षी दलले प्रधानमन्त्री सुनकले उपप्रधानमन्त्रीको विषयमा निर्णय गर्न ढिलाइ गरेको आरोप लगाएका थिए ।