काठमाडौं । प्रधानमन्त्री पुष्पकमल दाहाल ‘प्रचण्ड’ले सकेसम्म प्रमुख प्रतिपक्ष दल नेकपा (एमाले)सहितका दलसँग सहमति गरेर मात्रै सरकारले विधेयक अघि बढाउने बताएका छन् ।

मंगलबार सिंहदरबारमा आयोजित पार्टी संसदीय दलको बैठकमा बोल्दै नेकपा (माओवादी केन्द्र) संसदीय दलका नेतासमेत रहेका प्रधानमन्त्री प्रचण्डले यस्तो बताएका हुन् ।

उनले सबै विधेयक प्रमुख प्रतिपक्ष एमालेसहितका दलको सहमतिमै अगाडि बढाउनुपर्ने अहिलेको आवश्यक्ता भएको उल्लेख गर्दै त्यसैमा जोड दिए ।

उनले विधेयक अघि बढाउँदा सकेसम्म सबै दलसँग सहमति गर्ने र त्यसो हुन नसके पनि प्रक्रियामा सहमति गरेर अघि बढ्न पार्टीका सांसदलाई सचेत गराए ।

प्रधानमन्त्री प्रचण्डले संसदमा प्रस्तुत विधेयकको संशोधनमा सत्तापक्षको तर्फबाट भूमिका निर्वाह गर्न नभुल्न पार्टीका सांसदलाई निर्देशन दिए ।