नुवाकोट । खोलाले बगाउँदा वडा सदस्यको मृत्यु भएको छ ।

जिल्लाको बेलकोटगढी नगरपालिका-१२ की वडा सदस्य सुकुमाई तामाङको बेलकोट खोलाले बगाउँदा मृत्यु भएको हो ।

खेतमा काम गरेर फर्कने क्रममा खोलाले तामाङलाई बगाएको जिल्ला प्रहरी कार्यालय नुवाकोटले जनाएको छ । तामाङको शव करिब एक किलोमिटर तल वडा नं १२ को रैकरे चौतीसमा भेटिए थियो ।

तामाङ वैशाख ३० गते सम्पन्न पालिका चुनावमा नेकपा एमालेबाट महिला सदस्यमा निर्वाचित भएकी थिइन् ।