काठमाडौं । राप्रपा नेपालले स्थानीय तह निर्वाचनका लागि ‘गाई’ चुनाव चिन्ह माग्दै निर्वाचन आयोगमा निवेदन दिएको छ ।

सोमबार आयोग पुगेर राप्रपा नेपालले निवेदन दर्ता गराएको अध्यक्ष कमल थापाले जानकारी दिए ।

केही दिनअघि नै आयोगले कमल थापा अध्यक्ष रहने गरी पार्टी अध्यावधिकको निर्णय गरेको थियो भने सो निर्णयपछि थापाले फागुन ७ गते पार्टी औपचारिक रुपमा घोषणा गरेका थिए ।

यस्तै आइतबार बसेको बैठकले गाई चुनाव चिन्ह माग्दै आयोगमा निवेदन दिने निर्णय गरेको थियो ।