काठमाडौं । सोमबार बसेको मन्त्रिपरिषद्‌को बैठकले नेपाल टेलिभिजनको कार्यकारी अध्यक्षमा समीरजंग शाहलाई नियुक्त गर्ने निर्णय गरेको छ ।

रेडियो नेपालमा कार्यरत शाह अध्यक्षमा नियुक्त भएका हुन् । शाह नेपाल प्रेस युनियनका पूर्वअध्यक्ष समेत हुन् ।

यस्तै आजै बसेको मन्त्रिपरिषद्‌को बैठकले अर्थ मन्त्रालयका सहसचिव रामेश्वर दंगाललाई सचिवमा बढुवा गर्ने निर्णय गरेको छ ।

लोक सेवा आयोगका अध्यक्ष माधवप्रसाद रेग्मीको अध्यक्षतामा आइतबार बसेको सचिव बढुवा सिफारिस समितिको बैठकले एक सचिव बढुवाका लागि तीन सहसचिवको नाम सिफारिस गरेको थियो ।