काठमाडौँ । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले लोकतान्त्रिक तरिकाबाटै नेतृत्व चयन हुने बताएका छन् ।

आठौं महाधिवेशनअन्तर्गतको चौथो दिनको बन्दसत्रपछि बुधबार प्रज्ञा भवनबाट बाहिरिँने क्रममा अध्यक्ष प्रचण्डले सञ्चारकर्मीहरुलाई संक्षिप्त प्रतिक्रिया दिँदै यस्तो बताएका हुन्।

बन्दसत्रमा आज बुधबार ११ समूहका टोली नेताले छलफलको निष्कर्ष सुनाएका थिए । सोमबार अध्यक्ष प्रचण्डले प्रस्तुत गरेको राजनीतिक प्रतिवेदन र स्थायी समिति सदस्य देव गुरुङले पेस गरेको विधान परिमार्जन प्रस्तावमाथि छलफलका लागि २५ वटा समूह बनाइएको थियो ।

बिहीबारको बन्दसत्रमा बाँकी १४ समूहका प्रमुखहरुले निष्कर्ष सुनाउने र त्यसपछि अध्यक्ष प्रचण्डले जवाफ दिने कार्यसूची रहेको माओवादीले जनाएको छ ।

अर्को पनि पढ्नैपर्ने

माओवादी महाधिवेशन: बन्दसत्रको तेस्रो दिन आज के-के भयो ? पाँच वटा बुँदामा हेर्नुहोस्

अर्को पनि पढ्नैपर्ने

माओवादी महाधिवेशन: केन्द्रीय सदस्यले छोराछोरीलाई सरकारी विद्यालयमा पढाउनु पर्ने