काठमाडौं । नेकपा एमालेका नेता भीम रावलले आफ्नो पार्टीले गरिरहेको संसद अवरोधको औचित्यमाथि प्रश्न उठाएका छन् ।

रावलले निरन्तरको अवरोध गर्नुका पछाडि अमेरिकी सहयोग परियोजना मिलिनियम च्यालेन्ज कर्पोरेसन (एमसीसी) अनुमोदन गर्ने खेल हुन सक्ने समेत आशंका गरेका छन्।

रावलले समाजिक संजाल ट्वीटरमा आफ्नो धारणा सार्वजनिक गर्दै आफ्नै पार्टीमाथि आशंका गरेका हुन् ।

उनले ट्वीटरमा लेखेका छन्–‘सरकारका कामकारबाही गर्न दिएर संसदका बैठकहरू अवरूद्ध गर्ने कुराको अ‍ौचित्य के हो ? यो कतै कसैलाई बोल्ने मौका नै नदिएर होहल्लाको बीचमा एमसीसीसँग गरेको सम्झौता अनुमोदन गर्ने खेल त होइन ? यस्तो गरियो भने राष्ट्रघात ठहर्ने छ।’

एमालेले भने पार्टीबाट विभाजित भएर गएका माधव कुमार नेपाल नेतृत्वको एकीकृत समाजवादी अवैध रहेको र सभामुख त्यसको सहयोगी भएको भन्दै निरन्तर संसद अवरोध गरिरहेको छ।

सरकारका कामकार्वाई गर्न दिएर संसदका बैठकहरू अवरूद्ध गर्ने कुराको अैाचित्य के हो? यो कतै कसैलाई बोल्ने मौका नै नदिएर होहल्लाको बीचमा एमसीसी संग गरेको सम्झौता अनुमोदन गर्ने खेल त होइन? यस्तो गरियो भने राष्ट्रघात ठहर्ने छ।

— Bhim Rawal, PhD (@BhimRawal179) December 15, 2021