अनलाइन नेपाल
सिरहा । सिरहाको सुखिपुर नगरापालिका ४ दहिपौडीस्थित धानखेतमा एक युवकको शव फेला परेको छ ।
दैहिपौडीको नहरदेखि दक्षिणमा पर्ने धानखेतमा औरही गाँउपालिका वडा नम्वर ४ नवटोलीका २५ वर्षीय सचिनकुमार यादवको शव फेला परेको हो ।
बिहान खेत गएका किसानले उनको शव देखेपछि प्रहरीलाई खबर गरेका थिए ।
घटनास्थल पुगेर प्रहरीले कानूनी प्रक्रिया पूरा गरी शव पोष्टमार्टमका लागि सिरहा अस्पताल पठाएको छ । मृत फेला परेका युवकको पेटमा चोट देखिएको सिरहा प्रहरीका प्रवक्ता डिएसपी सुवास बुढाथोकीले जानकारी दिए ।
उनका अनुसार मृतक ट्याक्टरमा मजदुरी गर्थे । उनी आइतबार ढुङ्गा लिन ट्याक्टरमै नदी गएका थिए । उनको हत्या भएको हुनसक्ने प्रहरीले शंका गरेको छ ।
प्रहरीले घटनाको थप अनुसन्धान भइरहेको जनाएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply