एजेन्सी । भारतको आसाम र मिजोरमको सीमा क्षेत्रमा भएको भिडन्तमा आसाम प्रहरीका ६ जना मारिएका छन् ।

आसामका मुख्यमन्त्री हिम्मत विश्व सरमाले यसको जानकारी दिएका हुन् । मारिनेमा सीमा सुरक्षामा खटिएका जवान हुन् ।

आसाम र मिजोरमको सीमामा सोमबार सुरक्षा बल र आम नागरिकबीच झडप भएको थियो । झडपमा गोलीसमेत चलेको थियो ।

यो घटनाका कारण आसामका मुख्यमन्त्री सरमा र मिजोरमका मुख्यमन्त्री जोरामथांगाबीच आरोपप्रत्यारोप चलेको छ । केन्द्रीय गृहमन्त्री अमित शाहले दुवै राज्यका मुख्यमन्त्रीलाई शान्ति सुव्यवस्था कायम राख्न निर्देशन दिएका छन् ।

आसाम र मिजोरमबीच लामो समयदेखि विवाद छ ।