जाजरकोट । जाजरकोटकाे जुनीचाँदेमा जीप दुर्घटना हुँदा ५ जनाको मृत्यु भएको छ।

जुनीचाँदे गाउँपालिका–१ औलखोला नजिकै भे १ ज ९३५ नम्बरको जीप दुर्घटना हुँदा ५ जनाको मृत्यु भएको प्रहरीले जनाएकाे छ ।

साे जीप जाजरकोट सदरमुकाम खलंगादेखि जुनीचाँदे गाउँपालिका कार्यालयका लागि छुटेकाे थियाे ।

एक जनाको शव निकालिएको र बाँकी ४ जनाको शव खोलामा देखिएको कर्णाली प्रदेश प्रहरी कार्यालयका प्रवक्ता प्रहरी वरिष्ठ उपरीक्षक राजेशनाथ बास्तोलाले बताए।

घटनाबारे यकिन विवरण नआइसकेको उनले बताए। जीप सडकदेखि करिब ५०० मिटर तल खसेको बताइएकाे छ।