चितवन।  कोरोना भाइरस संक्रमणबाट भरतपुर महानगरपालिका–२० का वडा अध्यक्षको मृत्यु भएको छ ।

भरतपुर अस्पतालमा उपचाररत भरतपुर महानगरपालिका–२० का वडाध्यक्ष ६९ वर्षीय मणिलाल तामाङको आज  विहान ११ः३० बजे मृत्यु भएको अस्पतालले जनाएको छ ।

ज्वरो, खोकी र श्वासप्रश्वासमा समस्या भएपछि वडाध्यक्ष तामाङलाई असोज २३ गते अस्पतालमा भर्ना गरिएको थियो । तामाङमा असोज १६ गते कोरोना संक्रमण पुष्टि भएको थियो । तामाङमा मधुमेह र उच्च रक्तचापको समस्या थियो ।