काठमाडौं । गुजरात टाइटन्सलाई पराजित गर्दै साविक विजेता रोयल च्यालेन्जर्स बेंगलुरु (आरसीबी) इन्डियन प्रिमियर लिग (आईपीएल) को फाइनलमा प्रवेश गरेको छ।
मंगलबार राति भएको पहिलो क्वालिफायरमा गुजरात टाइटन्सलाई ९२ रनले हराउँदै आरसीबी लगातार दोस्रोपटक आईपीएलको फाइनलमा पुगेको हो।
पराजित गुजरातसामु फाइनल पुग्ने दोस्रो मौका छ।
गुजरातले अब दोस्रो क्वालिफायरमा एलिमिनेटर खेलको विजेतासँग खेल्नेछ।
एलिमिनेटर खेलमा आज (बुधबार) राजस्थान रोयल्स र सनराइजर्स हैदरावाद खेल्नेछन्।
आरसीबीले दिएको २ सय ५५ रनको लक्ष्य पछ्याएको गुजरात ३ बल अगावै १ सय ६२ रनमा समेटियो ।