Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
सोमवार , जेठ ११, २०८३
काठमाडौं। नेपाल स्टक एक्सचेन्ज (नेप्से) सोमबार २८.८५ अंकले बढेको छ। अघिल्लो कारोबार दिनको तुलनामा आज १ प्रतिशतले बढेको नेप्से २७८६.३५ विन्दुमा रोकिएको छ।
दोहोरो अंकले बढेको नेप्सेमा आजको दिनमा कारोबार रकम पनि बढेको छ। नेप्सेमा ३४२ कम्पनीको ७४ हजार ८५६ पटकको कारोबारमा एक करोड ४५ लाख ४० हजार २२ कित्ता सेयर किनबेच भए। जसअनुसार पाँच अर्ब ९८ करोड ६४ लाख १२ हजार ६०० रुपैयाँको कारोबार भयो।
सेयर बजारमा आज २३५ कम्पनीका सेयरमूल्य बढे। २८ कम्पनीका सेयरमूल्य ओरालो लाग्दा सात कम्पनीको सेयरमूल्य स्थिर रह्यो।१३ समूहका कारोबार भएकामा म्युचुअल फन्ड समूहको सूचक घट्यो भने बाँकी १२ समूहका सूचकमा हरियाली छायो।
जसअनुसार वाणिज्य बैंक ०.८५‚ विकास बैंक ०.६९‚ फाइनान्स ०.५७‚ होटेल तथा पर्यटन १.०२‚ जलविद्युत् १.५०‚ लगानी ०.७४‚ जीवन बिमा ०.६४‚ उत्पादन तथा प्रशोधन १.३५ र लघुवित्त समूहको सूचक ०.९९ प्रतिशतले बढ्यो। म्युचुअल फन्ड ०.२० प्रतिशतले घट्यो। यसैगरी निर्जीवन बिमा ०.९५‚ अन्य १.२३ र व्यापार समूहको उपसूचक ०.३२ प्रतिशले बढ्यो।
यसैगरी थ्रीस्टार हाइड्रोपावर लिमिटेडका लगानीकर्ताले ९।०१ प्रतिशतले आम्दानी गरे। यसैगरी अपर बुंगल हाइड्रो लिमिटेडका लगानीकर्ताले १०.२३ प्रतिशतले सेयरमूल्य गुमाए।
कारोबार रकमका आधारमा पनि आँखुखोला जलविद्युत् कम्पनी लिमिटेड अग्रस्थानमा रह्यो। आज आँखुखोलाको ६० करोड २० लाख १४ हजार ४०४ रुपैयाँको कारोबार भयो।
त्यस्तै कारोबार भएका सेयर संख्याका आधारमा पनि आँखुखोला नै अगाडि रह्यो। सोमबार यसको १४ लाख ५१ हजार ९९५ रुपैयाँको सेयर किनबेच भयो। यसको अन्तिम कारोबार मूल्य भने प्रतिकित्ता ४१८ रुपैयाँ कायम रह्यो।
© 2026 All right reserved to onlinenepal.com
Design & Developed By
