Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , जेठ ६, २०८३
काठमाडौं। नेपाल स्टक एक्सचेन्ज (नेप्से) बुधबार ३०.०८ अंकले बढेको छ। अघिल्लो कारोबार दिनको तुलनामा १.१० प्रतिशतले बढेको नेप्से २७५४.४८ विन्दुमा रोकिएको हो।
आजको दिनमा नेप्सेसँगै कारोबार रकम पनि बढेको छ। मंगलबार भने नेप्से ६.५१ अंकले घटेको थियो।
सेयरबजारमा आज ३४६ कम्पनीको ५२ हजार ३३६ पटकको कारोबारमा एक करोड ६ लाख ६१ हजार ४७६ कित्ता सेयर किनबेच भए। जसअनुसार बुधबार तीन अर्ब ८२ करोड आठ लाख ९६ हजार ९६६ रुपैयाँको कारोबार भयो।
मंगलबार तीन अर्ब आठ करोड ७७ लाख ३० हजार ९६२ रुपैयाँको कारोबार भएको थियो ।
आज २४८ कम्पनीका सेयरमूल्य बढे। २१ कम्पनीका सेयरमूल्य ओरालो लाग्दा एउटा कम्पनीको सेयरमूल्य स्थिर रह्यो। नेप्सेमा आज १३ समूहका कारोबार भएकामा सबै समूहका सूचक बढेर हरियाली बने।
जसअनुसार वाणिज्य बैंक समूहको सूचक ०.७३‚ विकास बैंक ०.४४‚ फाइनान्स १.४०‚ होटेल तथा पर्यटन १.८९‚ जलविद्युत् १.८९‚ लगानी १.१५‚ जीवन बिमा ०.९७ र उत्पादन तथा प्रशोधन समूहको सूचक १.१५ प्रतिशतले बढे।
यसैगरी लघुवित्त ०.६२‚ म्युचुअल फन्ड ०.८२‚ निर्जीवन बिमा ०.४४‚ अन्य १.०९ र व्यापार समूहको उपसूचक १.५१ प्रतिशतले बढेका छन्।
नेप्सेमा अपर लोहोरेखोला हाइड्रोपावर कम्पनी लिमिटेडका लगानीकर्ताले १५ प्रतिशतले आम्दानी गरे। अर्थात् अपर लोहोरेखोलाको सेयरमूल्यमा सकारात्मक सर्किट लाग्यो। यसैगरी कर्पोरेट डेभलपमेन्ट बैंक लिमिटेडका लगानीकर्ताले १३.२६ प्रतिशतले सेयरमूल्य गुमाए।
कारोबार रकमका आधारमा पनि कर्पोरेट डेभलपमेन्ट बैंक लिमिटेड अग्रस्थानमा रह्यो। आज कर्पोरेटको १८ करोड ३५ लाख १३ हजार ४३७ रुपैयाँको कारोबार भयो।
त्यस्तै कारोबार भएका सेयर संख्याका आधारमा आज पनि प्रभु स्मार्ट फन्ड अगाडि रह्यो। बुधबार यसको आठ लाख ३९ हजार ७५० युनिट सेयर किनबेच भयो।
© 2026 All right reserved to onlinenepal.com
Design & Developed By
