Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , बैशाख १६, २०८३
काठमाडौं । अर्थ मन्त्रालयले सरकारी कर्मचारीलाई प्रत्येक १५ दिनमै पारिश्रमिक दिने नयाँ व्यवस्था औपचारिक रूपमा सुरु गरेको छ । पाइलट परियोजनाका रूपमा बुधबारदेखि यो प्रणाली कार्यान्वयनमा ल्याइएको हो ।
अर्थ मन्त्रालयमा आयोजित कार्यक्रममा अर्थमन्त्री स्वर्णिम वाग्ले ले ‘अर्धमासिक तलब भुक्तानी प्रणाली’को शुभारम्भ गर्दै पहिलो चरणमा मन्त्रालयअन्तर्गतका कर्मचारीलाई १५ दिनको तलब वितरण गरिएको जानकारी दिए।
कम्प्युटरराइज्ड गभरमेन्ट एकाउन्टिङ सिस्टममार्फत महालेखा नियन्त्रक कार्यालयले कोष तथा लेखा नियन्त्रक कार्यालयमा भुक्तानी आदेश पठाएर यो प्रणाली सुरु गरिएको हो । यससँगै अर्थ मन्त्रालयका कर्मचारीहरूले वैशाख महिनाको पहिलो अर्धमासिक तलब प्राप्त गरेका छन्।
कार्यक्रममा बोल्दै मन्त्री वाग्लेले १५ दिनमा तलब वितरण गर्दा बजारमा उपभोग र माग दुवै बढ्ने विश्वास व्यक्त गरे।
शोभाकान्त पौडेल, महालेखा नियन्त्रक, का अनुसार आवश्यक प्राविधिक पूर्वाधार तयार भइसकेकाले यो प्रणाली प्रदेश तथा अन्य सरकारी सेवामा समेत विस्तार गर्न सकिनेछ।
अर्धमासिक तलब प्रणालीले बजारमा नियमित नगद प्रवाह कायम गर्ने, उपभोग खर्च सन्तुलित बनाउने र साना व्यवसायीहरूको कारोबारमा सकारात्मक प्रभाव पार्ने अपेक्षा गरिएको छ। साथै डिजिटल भुक्तानी प्रणालीको प्रयोग बढाएर समग्र अर्थतन्त्रलाई थप गतिशील बनाउने सरकारको लक्ष्य छ।
यसअघि वैशाख ४ गते मन्त्री वाग्लेले १५ दिनमै तलब वितरण गर्ने निर्णय गरेका थिए, जसलाई छोटो समयमै कार्यान्वयनमा ल्याइएको हो।
© 2026 All right reserved to onlinenepal.com
Design & Developed By
