Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
सोमवार , बैशाख ७, २०८३
काठमाडौं । राष्ट्रिय स्वतन्त्र पार्टी (रास्वपा) भित्रै राजीनामा दिनका लागि दबाब बढेपछि गृहमन्त्री सुधन गुरुङ अप्ठेरोमा परेका छन् ।
सम्पत्ति शुद्धीकरण मुद्दामा पक्राउ परेका विवादास्पद व्यवसायी दीपक भट्टसम्बद्ध कम्पनीमा प्रत्यक्ष साझेदारी गरेको भेटिएपछि गृहमन्त्री गुरुङमाथि राजीनामा दिन दबाब बढेको हो ।
भट्टसम्बद्ध स्टार माइक्रो इन्स्योरेन्स कम्पनीमा गृहमन्त्री गुरुङले आफ्नै नाममा शेयर लिएको कागजात आइतबार सार्वजनिक भएको थियोे ।
अनुसन्धानको दायरामा रहेको कम्पनीमा गृहमन्त्री आफैँ साझेदार हुँदा अनुसन्धान प्रभावित हुने भनी उनले राजीनामा दिनुपर्ने चौतर्फी माग उठ्न थालेको छ ।
यसअघि जेनजी मुभमेन्ट नेपालले गृहमन्त्री गुरुङलाई पदबाट बर्खास्त गरेर पक्राउ गर्न माग गरिसकेको छ । साथै जेनजी मुभमेन्ट नेपालले गृहमन्त्री गुरुङमाथि लागेका आरोपहरूमा निष्पक्ष छानबिन हुनु पर्ने माग पनि अघि सारेको छ ।
यसैबीच आफूमाथि पार्टीको सम्भावित ‘एक्सन’ लाई लिएर गृहमन्त्री गुरुङ आइतबार राति नै रास्वपा सभापति रवि लामिछानेलाई भेट्न उनकै निवास बुढानीलकण्ठ गएका थिए ।
राती झन्डै २ घण्टा बुढानीलकण्ठमा बसेका गृहमन्त्री गुरुङलाई सभापति लामिछानेले लामिछानेले सोमबार पनि पार्टीको बैठक बस्ने र आफ्नो कुरा बैठकमै राख्न सकिने जवाफ दिएको स्रोत बताउँछ ।
सरकार र पार्टीनीतिविपरीत काम गरेको भन्दै रास्वपाले यसअघि नै श्रममन्त्री दीपक साहलाई पदमुक्त गरिसकेकाले गृहमन्त्री गुरुङ सभापति लामिछानेलाई भेट्न गएका थिए ।
© 2026 All right reserved to onlinenepal.com
Design & Developed By
