काठमाडौँ । इजरायलबाट हमासको कब्जामा रहेका वेला मारिएका कञ्चनपुरका विपिन जोशीको आज राष्ट्रिय सम्मानसहित अन्त्येष्टि गरिँदैछ ।
कञ्चनपुरको भीमदत्त नगरपालिकास्थित निवासबाट बिहान ८ बजे शवयात्रा शुरु गरी महाकाली नदीको भुजेला घाटमा लगी दाहसंस्कार गरिन लागिएको हो ।
अध्ययनका लागि इजरायल पुगेका विपिन जोशी गत २०२३ अक्टुबर ७ मा हमासले गरेको आक्रमणको क्रममा बन्धक बनाइएका थिए। त्यसपछि अवस्था अज्ञात रहेकोमा गत असोज २७ गते इजरायलले उनको मृत्यु पुष्टि गरेको थियो।
इजरायलले सोमबार जोशीको शव नेपाल पठाएको थियो । काठमाडौंबाट नेपाली सेनाले स्काई ट्रकमा ल्याएको शव धनगढी विमानस्थल हुँदै उनको घर लगिएको हो।