Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , आश्विन २९, २०८२
काठमाडौं । निःशुल्क सेयर माग्दै निर्माणाधीन र निर्माणमा जान लागेका विभिन्न १० जलविद्युत् आयोजनामा स्थानीयले अवरोध गरेका छन् । स्वतन्त्र ऊर्जा उत्पादकहरुको संस्था, नेपाल (इप्पान)ले बुधबार पत्रकार सम्मेलन गर्दै यस्तो जानकारी गराएको हो ।
इप्पानका अनुसार ३६ मेगावाट क्षमताको बलेफी हाइड्रोपावर, २२ मेगावाट क्षमताको मुनलाइट हाइड्रोपावर, १.५ मेगावाट क्षमताको सेवा हाइड्रोपावर, १.५ मेगावाट क्षमताको राइजिङ हाइड्रोपावर, १.५ मेगावाट क्षमताको गाउँघर उज्यालो हाइड्रोपावर, ७ मेगावाट क्षमताको याम्बुलिङ हाइड्रोपावर, ४० मेगावाट क्षमताको बलेफी इनर्जी हाइड्रोपावर, ३६ मेगावाट क्षमताको अपर बलेफी हाइड्रोपावर, ४१ मेगावाट क्षमताको नेसमखोला हाइड्रोपावर, र ४६ मेगावाट क्षमताको सिता हाइड्रोपावर आयोजनामा स्थानीयले अवरोध गरेका छन् ।
कतिपयले समयमै सेयर जारी नगरेको भन्दै आयोजनामा अवरोध गर्न थालेका छन् । १० प्रतिशत निःशुल्क सेयरका साथै पूर्वाधार विकास अन्तर्गत सडक, विद्यालय, स्वास्थ्य सेवासहितका स्थानीय पूर्वाधारमा लगानी गर्न माग गरेका छन् ।
धितोपत्र बोर्डले समयमै आईपीओ निष्कासनमा स्वीकृति नदिएर गम्भीर समस्या भोगिरहेका ऊर्जा उत्पादक कम्पनीलाई स्थानीयले समेत धम्क्याउन खोजेपछि झन समस्या भएको इम्पानले बताएको छ ।
समयमै आईपीओ जारी नगर्दाको कारण पनि गैरकानूनी रुपमा निःशुल्क सेयर माग्नेको मनोबल बढेको इप्पानले बताएको छ ।
निजी क्षेत्रले धितोपत्र सूचीकरण तथा वितरण नियमावली २०६५ अनुसार १० प्रतिशत सेयर प्रभावित स्थानीयबासीलाई दिदै आएको छ । विगतमा दिइँदै आएकोलाई निरन्तरता दिइने भए पनि विद्यमान नियम र कानून विपरित निःशुल्क दिन नसकिने इप्पानले स्पष्ट पारेको छ ।
इम्पानले निःशुल्क सेयरको नाममा आयोजना निर्माणमा कुनै पनि अवरोध नगर्न तथा निःशुल्क सेयर मागेर आयोजनामा अवरोध गर्नेलाई निरुत्साहित गर्न उचित शान्ति सुरक्षासहितको लगानी वातावरण बनाउन सरकारसँग माग गरेको छ ।
© 2026 All right reserved to onlinenepal.com
Design & Developed By
