Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
मंगलवार , आश्विन २८, २०८२
काठमाडौं । इजरायल र हमासको युद्धका बेला हमासबाट मारिएका नेपाली युवा विपिन जोशीको शव अन्तर्राष्ट्रिय रेडक्रस सोसाइटी (आईसीआरसी)ले इजरायली सेनालाई जिम्मा लगाएको छ ।
उनको शव सैनिक अस्पतालमा राखिएको छ । त्यहाँ डिएनए परीक्षण रिपोर्ट लगायतका प्रक्रिया पूरा गरेपछि शव नेपाल पठाउने बताइएको छ ।
इजरायलस्थित नेपाली दूतावासका अनुसार हमासले विपिन जोशीको भनेर बुझाएको शव डिएनए परीक्षणका लागि इजरायली सेनालाई जिम्मा लगाएको छ ।
डिएनए परीक्षणको रिपोर्ट आउन करिब ४ घण्टा लाग्ने भनिएको छ । त्यसपछि मात्रै नेपाल पठाउने प्रक्रिया सुरु हुने दूतावासले जनाएको छ ।
दूतावासका अननुसार इजरायल सरकारले नै शव नेपाल पठाइदिने जानकारी गराइसकेको छ ।
अध्ययनको सिलसिलामा इजरायल पुगेका कञ्चनपुरका विपिन जोशी गत अक्टुबर ७ मा हमासले किबुत्ज क्षेत्रमा गरेको आक्रमणको क्रममा बन्धक बनाइएका थिए ।
सो आक्रमणको क्रममा १० जना नेपाली विद्यार्थीहरु मारिएका थिए भने हमास लडाकुहरुले विपिनलाई आफूसँगै लिएर गएका थिए । हमासले विपिनको शव मंगलबार हस्तान्तरण गरेको थियो ।
© 2026 All right reserved to onlinenepal.com
Design & Developed By
