काठमाडौं । गैरकानुनी रूपमा अमेरिका प्रवेश गरेका १९ जना नेपालीलाई त्यहाँको प्रशासनले निष्कासन गरी बिहीबार काठमाडौं ल्याएको छ ।
ओम्नी एयरलायन्सको चार्टर्ड विमानमार्फत फर्काइएका उनीहरूलाई अमेरिकी इमिग्रेशन एन्ड कस्टम्स इनफोर्समेन्ट (आइस) ले नियन्त्रणमा लिएर आवश्यक अनुसन्धानपछि नेपालतर्फ पठाएको हो ।
निष्कासनमा परेकामध्ये १७ जना पुरुष र दुई जना महिला रहेका छन् ।
उनीहरूको यात्रा सहज बनाउन अमेरिकी प्रशासनले नेपालस्थित दूतावाससँग समन्वय गरी आवश्यक ट्राभल डकुमेन्ट तयार गरेको थियो ।