काठमाडौं । प्रतिष्ठित लोक गायिका इन्दिरा गोले गुरुङको निधन भएको छ । क्यान्सर पीडित इन्दिराको ४८ वर्षको उमेरमा निधन भएको हो ।
बुधबार बिहान २ बजेतिर ललितपुरको हात्तिवनस्थित निवासमा इन्दिराको निधन भएको परिवारस्रोतले जानकारी दिएको छ । उनी दुई वर्षदेखि क्यान्सर रोगबाट पीडित रहेको बताएको छ ।
स्वास्थ्य जटिल हुँदै गएपछि हरिसिद्धिस्थित क्यान्सर अस्पतालमा उपचार गराएर पछिल्लो दुई हप्तादेखि उनी घरमै आराम गरिरहेकी थिइन् ।
इन्दिराले विभिन्न लोक भाषा र शैलीका करिब पाँच हजार गीतमा स्वर दिएकी छन् ।