बझाङ । गएराति जेसिबी दुर्घटना हुँदा चालकको मृत्यु भएको छ ।
बझाङको सुर्मा गाउँपालिका–३ बाट सुर्मातर्फ जाने बाटोको दौलिगाडामा अवरुद्ध भएको सडक खोल्न जानेक्रममा राति ८ बजे जेसिबी पल्टिँदा कैलालीका रणबहादुर नेगीको घटनास्थलमै मृत्यु भएको हो ।
चालक नेगीको जेसिबीले च्यापिएर मृत्यु भएको बताइएको छ । दुर्घटनामा परेका वडा नं. ३ काँटै निवासी रबी बोहराले हाम फालेर बच्न सफल भएका छन् ।
यस्तै सोही जेसीबिमा सवार वडा नं. ५ का धर्मराज जेठारा पनि सकुशल रहेका छन् ।