काठमाडौं । त्रिशुली नदीमा आएको बाढीमा दुई जनाको उद्धार गरिएको छ ।
नुवाकोटको बिदुर नगरपालिका-१ त्रिशुली, बसपार्कनजिकै त्रिशुली नदीको बिचमा लभडाँडा मिलन चौतारा बस्ने बर्ष ६७ को पाल्देन तामाङ र उनकी श्रीमती ६२ वर्षीया मंगली तामाङ फसेका थिए ।
भर्खरै नेपाली सेनाको हेलिकप्टरले उनीहरुको उद्धार गरेको हो ।
स्थानीयका अनुसार उनीहरू बिहान दाउरा संकलन गर्न पुगेका थिए । तर, बाढीले नदीको सतह बढेपछि उनीहरू रुख चढेर बसेका थिए ।