अनलाइन नेपाल
एजेन्सी । युक्रेनको सुमीमा भएको क्षेप्यास्त्र आक्रमणमा कम्तीमा २१ जनाको मृत्यु भएको छ ।
युक्रेनका गृहमन्त्री र त्यहाँको सरकारी आपत्कालीन सेवाले आफ्नो टेलिग्राम च्यानलमा यसबारे जानकारी दिएका हुन् ।
घटनामा सात बालबालिकासहित ८३ जना घाइते भएका छन् ।
युक्रेन राष्ट्रपति जेलेन्स्कीले मृत्यु हुनेको सङ्ख्या ‘प्रारम्भिक तथ्याङ्क’मा आधारित रहेको र मानिसहरू सडक, कार, सार्वजनिक यातायात, घर घाइते भएको बताए ।
युक्रेन राष्ट्रपति जेलेन्स्की भने,‘अमेरिका, युरोप, संसारका सबैजना यो युद्ध र हत्याको अन्त्य चाहन्छन् । रूसले ठ्याक्कै यस्तै प्रकारको आतङ्क चाहन्छ र यो युद्धलाई तानिरहेको छ । दबाब बिना शान्ति असम्भव छ । वार्ताले ब्यालिस्टिक क्षेप्यास्त्र र हवाई बम कहिल्यै रोकेको छैन ।’
आपत्कालीन सेवाले त्यहाँ पीडितहरूलाई सम्भव भएसम्म सबै सहयोग प्रदान गरिरहेको बताएको छ ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply