अनलाइन नेपाल
काठमाडौं । शिक्षक महासंघको अगुवाइमा हुन लागेको आन्दोलनमा सहभागी हुन शिक्षकहरू काठमाडौ आइपुगेका छन् । विद्यालय शिक्षा ऐन जारी गर्न माग राख्दै उनीहरु आन्दोलनमा उत्रिएका हुन् ।
महासंघको सहअध्यक्ष एवं आन्दोलन परिचालन समितिका संयोजक नानुमाया पराजुलीका अनुसार आजको र्यालीमा डेढ लाख शिक्षक कर्मचारी सहभागी हुनेछन् ।
आज डेढ लाख शिक्षक उतार्ने योजना बनाएको समितिले भोली अझै बढि शिक्षकहरुलाई काठमाडौं बोलाएको छ । आन्दोलनलाई शान्तिपूर्ण बनाउन ८ सय स्वयंसेवक परिचालन गरिएको उनले बताइन् ।
उनले भनिन्–‘हाम्रो आन्दोलन शान्तिपूर्ण हुन्छ । अनुशासित र मर्यादित बनाउन ८ सय स्वयंसेवक परिचालन गरेका छौ ।’
विगतको सहमति अनुसार ऐन जारी भए तत्काल आन्दोलन छोडेर घर फर्किने उनले बताइन ।
शिक्षा विधेयक संसदमा दर्ता भएपछि २०८० असोज ३ मा शिक्षकहरू सडक आन्दोलनमा आएका थिए । तीन दिनको आन्दोलनपछि सरकारसँग महासंघसहित अन्य संघसंगठनबीच असोज ५ मा ६ बुँदे सम्झौता भएको थियो ।
सो सहमति अनुसार ऐन जारी गर्न शिक्षकहरूले माग गरेका छन् ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply