काठमाडौं । प्रधानमन्त्री केपी शर्मा ओलीले आफूमाथि औंला ठड्याउनेहरूलाई तथ्य र प्रमाणको आधारमा बहस गर्न चुनौती दिएका छन् ।

दरबारमार्गमा आयोजित जागरण सभालाई सम्बोधन गर्दै प्रधानमन्त्री ओलीले यस्तो चुनौती दिएका हुन् ।

भन्न कै लागि अमेरिकाका बैंकमा रहेको आधा सम्पत्ति आफ्नो भनिदिएपनि हुने प्रधानमन्त्री ओलीको भनाई छ ।

प्रधानमन्त्री ओलीले भने, ‘कम्बोडियामा ३२ हजार करोड डलर, स्वीस बैंकमा यति हजार ? तपाईंहरु त हेर्न जान सक्नुहुन्न । भन्न त अमेरिकाको बैंकमा रहेको आधा पैसा मेरै हो भन्दिए पनि भो !’

उनले कम्बोडियाको टेलिकम कम्पनीमा आफ्नो लगानी रहेको भनेर गरिएको प्रचारको पनि प्रतिवाद गरे । यस्ता फाल्तु कुरा गरेर केही फरक नपर्ने प्रधानमन्त्री ओलीको भनाई छ ।