दैलेखमा बोक्सी आरोपमा एक जनाको हत्या

अनलाइन नेपाल

बिहिवार , मंसिर ६, २०८१

दैलेख । बोक्सीको आरोपमा एक जनाको हत्या भएको छ ।

दैलेखको दुल्लु नगरपालिका–१३ मालिकाका ५६ वर्षीय कर्णबहादुर कामीको हत्या भएको हो ।

हत्या आरोपमा कर्णबहादुरकै भाइ नाता पर्ने ४३ वर्षीय भुवनसिंह बिकलाई पक्राउ गरिएको जिल्ला प्रहरी कार्यालय दैलेखले जनाएको छ ।

कर्णबहादुरको घर गएका भुवनसिंहले सुरुमा पानी मागेर खाएका थिए ।

त्यसको केही समयपछि एक्कासी आफूलाई बोक्सी लागेर बिरामी पारेको भन्दै धारिलो हतियार प्रहार गरेको प्रारम्भिक अनुसन्धानबाट खुलेको छ ।

हतियार प्रहारबाट घाइते भएका कर्णबहादुरलाई दुल्लु अस्पताल लैजाँदै गर्दा बाटोमै मृत्यु भएको थियो ।

प्रतिक्रिया दिनुहोस्

नयाँ अपडेट

थप नयाँ अपडेट

'सुस्तामा एसएसबीको बुटछाप, घण्टी सरकार चुपचाप' भन्दै माइतीघरमा प्रदर्शन