काठमाडौं । खानेपानी मन्त्री प्रदीप यादवले काठमाडौं उपत्यकामा दीर्घकालीन रूपमा खानेपानीको समस्या समाधान गरिने बताएका छन् ।

जनता समाजवादी पार्टी, काठमाडौं जिल्ला समन्वय समितिद्धारा नेपाल संवत् ११४५, तिहार, छठलगायत पर्वहरूको अवसरमा शनिबार काठमाडौंमा आयोजना गरिएको शुभकामना आदान–प्रदान एवं सांस्कृतिक तथा जलपान समारोह कार्यक्रमलाई सम्बोधन गर्दै मन्त्री यादवले यस्तो बताएका हुन् ।

उनले काठमाडौं उपत्यकामा खानेपानीको समस्या दीर्घकालीन रूपमा समाधान गर्नेतर्फ आफू अगाडि बढेको बताए ।

मन्त्री यादवले काठमाडौं उपत्यकाबासीका लागि आफूले २५ करोड लिटर र ५० लाख लिटर थप पानी आपूर्तिका लागि ट्रिटमेन्ट प्लान्ट बनाउनका लागि टेण्डर आह्वान गरिसकेको जानकारी दिए ।