काठमाडौं । अनलाइनमा बालयौन दुर्व्यवहारको सामग्री प्रसारण गरेको अभियोगमा एकजना पक्राउ परेका छन् ।

पक्राउ पर्नेमा नवलपरासी पश्चिम प्रतापुर गाउँपालिका-७ का २४ वर्षीय अमन प्रताप हरिजन रहेका छन् ।

नेपाल प्रहरी प्रधान कार्यालय साइबर ब्यूरोबाट खटिएको प्रहरीले जिल्ला प्रहरी कार्यालय नवलपरासी पश्चिमको सहयोगमा उनलाई नवलपरासीबाट पक्राउ गरेको हो ।

उनीमाथि विद्युतीय (इलेक्ट्रोनिक) कारोबार कसूरमा जिल्ला अदालत काठमाडौंबाट ५ दिन म्याद थप अनुमति लिइएको छ । साथै प्रहरीले उनीमाथि आवश्यक अनुसन्धान थालेको छ ।