काठमाडौं । भक्तपुरस्थित दरबार स्क्वायरमा महिला मृत भेटिएकी छन् ।

भक्तपुर नगरपालिका –३ स्थित दरबार स्क्वायरमा ९४ वर्षीया विष्णु कुमारी त्वयना मृत भेटिएकी हुन् ।

त्वयनाको खुट्टा बाँधिएको अवस्थामा शव भेटिएको जिल्ला प्रहरी परिसर भक्तपुरले जनाएको छ।

त्वयना आफ्नै घरको चौथो तलामा मृत भेटिएकी हुन् । उनको दुवै खुट्टा बाँधिएको हुनाले हत्या भएको प्रहरीको आशङ्का छ ।

नेपाल प्रहरी केनाइन कार्यालयबाट तालिमप्राप्त कुकुरको सहयोगमा अनुसन्धान सुरु गरिएको छ ।

शव पोस्टमार्टमका लागी दुवाकोट स्थित नेपाल मेडिकल कलेजमा पठाइएको छ ।