अछाम । अछामको चौरपाटी गाउँपालिका-१ स्थित खान्डाँडा टोलका युबाहरुले देउसी भैलोबाट एक लाख रुपैयाँ संकलन गरेका छन् ।

खान्डाँडा समाज सुधार युवा क्लबले तिहारमा खेलेको देउसी भैलोबाट एक लाख रुपैँया संकलन गरेको हो । सो युवा क्लवले तिहारको अवसरमा चौरपाटी गाउँपालिका वडा नम्बर १ भित्रका टोलहरुमा देउसी भैलो खेलेको थियो ।

क्लवका अध्यक्ष नविन साउँदका अनुसार सो संकलन भएको रकम सामाजिक कार्यमा लगाइने छ ।

विगत केही वर्षदेखि देउसी भैलो खेल्दै आएको क्लवले विगतका वर्षहरुमा पनि संकलन भएको केहि रकम सामाजिक कार्यमा खर्च गरेको थियो भने केही रकम लगानी गरेको छ ।

क्लवले मौलिक कलाहरुलाई जोड्दै एकता र सदभाव् छर्दै खान्डाँडा टोलका युवाहरु मिलेर कार्तिक १५ देखि १८ गतेसम्म देउसी भैलो खेलेका थिए ।

क्लवले विद्यालयलाई सहयोग, विभिन्न जनचेतनामूलक कार्यक्रम, खेलकुद लगायतका क्षेत्रमा काम गर्दै आएको छ ।