बागमती । हेटौँडा–भीमफेदी–काठमाडौँ सडक एक सातापछि आइतवारबाट सञ्चालनमा आएको छ ।

हेटौँडा–भीमफेदी हुँदै काठमाडौं जाने सडकखण्डमा पर्ने सिमखोला र फाखेल स्थित सडकमा डाईभर्सन बनाएर बाटोको मर्मत सकिएपछि साँझबाट सडकमा सवारी आवतजावत सञ्चालन भएको हो ।

मर्मत सम्भार भएसँगै हेटौँडा–काठमाडौं जोड्ने छोटो दुरीका हेटौँडा–फाखेल–काठमाडौं, हेटौँडा–कुलेखानी–चखेल–मातातीर्थ, हेटौँडा–कुलेखानी–मार्खु–चित्लाङ–चन्द्रागिरि–काठमाडौं सडक सञ्चालनमा आएको बताइएको छ ।

यही असोज १० गतेदेखि १२ गतेसम्म आएको वर्षासँगै कुलेखानी ड्यामको पानीले सिमखोला पुलमा करिब एक सय मिटरमा क्षति पुर्याएको थियो ।