काठमाडौं । अवकाशमा जान लागेका प्रधानन्यायाधीश विश्वम्भरप्रसाद श्रेष्ठले न्यायाधीश नियुक्ति तयारी थालेपछि वकिलहरूको विरोध पनि चर्किन थालेको छ ।

गत बुधबारदेखि आन्दोलित वकिलहरूले अवकाशमा जान लागेका प्रधानन्यायाधीशको अध्यक्षतामा न्याय परिषद्ले न्यायाधीश नियुक्ति तयारी थालेपछि न्याय परिषद घेराउ गरेका हुन् ।

सचिवालयभित्र परिषद् बैठक बसिरहँदा बाहिर भने प्रवेशद्वार अगाडि नेपाल बार एशोसिएसनले विरोध प्रदर्शन गरिरहेको छ ।

न्यायपरिषद्को संशोधित नियमावली खारेज गर्नुपर्ने, घर जान लागेका प्रधानन्यायाधीशले न्यायाधीश नियुक्ति गर्न नमिल्ने भन्दै बारले प्रदर्शन गरेको हो ।

असोज २० गते प्रधानन्यायाधीश श्रेष्ठ सेवानिवृत हुँदैछन् ।