काठमाडौं । साताको पहिलो दिन आइतबार सेयर बजार परिसूचक नेप्सेमा उच्च अंकको गिरावट आएको छ।

आइतबार ५३.६३ अंकले घटेर बजार २६९५.९३ विन्दुमा आइपुगेको हो। कारोबार सुरु भएको १२ मिनेटमै नेप्से परिसूचक २७८१ अंकसम्म पुगे पनि वृद्धि टिक्न सकेन् ।

यसदिन कारोबार रकममा पनि कमी आएको छ। बिहीबार १२ अर्ब २४ करोड रूपैयाँको सेयर कारोबार भएकोमा आइतबार १० अर्ब ५१ करोड रूपैयाँको कारोबार भएको छ।

अघिल्लो दिनको तुलनामा कारोबार रकममा १ अर्ब ७३ करोड रूपैयाँ कमी आएको हो।

आइतबार ३१ कम्पनीको सेयर मूल्य बढेको छ भने २०९ वटाको घटेको छ।

यस्तै, चार कम्पनीको सेयर मूल्य स्थिर रहेको छ।