काठमाडौं । त्रिभुवन अन्तर्राष्ट्रिय विमानस्थलको धावनमार्गमा एक घण्टाका लागि विमान उडान र अवतरण बन्द गरिएको छ।

मार्किङको काम भइरहेका कारण विमानस्थलमा उडान-अवतरण बन्द गर्नुपरेको हो।

उडान अवतरण बन्दका कारण कतारको राजधानी दोहाबाट आएको कतार एयरवेजको जहाज होल्डमा छ ।

धावनमार्गको मार्किङ गर्ने क्रममा रङ पोखिएपछि त्यसले पाइलटहरुलाई समस्या पर्ने भन्दै सवा ४ बजेदेखि एक घण्टाका लागि उडान अवतरण बन्द गरिएको थियो ।