काठमाडौं । त्रिभुवन अन्तर्राष्ट्रिय विमानस्थलमा सौर्य एयरलाइन्सको विमान दुर्घटना भएको छ ।

बुधबार करिब ११ बजे सौर्य एयरलाइन्सको जहाज पोखराका लागि रनवेबाट उड्ने क्रममा दुर्घटनामा परेको हो।

उक्त विमानमा चालक दलका सदस्यसहित १९ जना रहेको विमानस्थल स्रोतले बतायो ।

विमानस्थल स्रोतका अनुसार सौर्यको ९ एन-एएमई/सीआरजे २०० कलसाइनको जहाज दुर्घटनामा परेको हो।

उनीहरूको उद्धारसँगै विमानमा लागेको आगो निभाउने प्रयास भइरहेको छ ।

जहाजबाट धुवाँ आएको देखिएपछि उद्धारका लागि प्रहरी र नेपाली सेना परिचालन गरिएको छ।

दुर्घटनाबारे विस्तृत विवरण आउन बाँकी छ ।