काठमाडौँ । काठमाडौं उपत्यका अपराध अनुसन्धान कार्यालयले अनलाइनमार्फत सट्टेबाजी गराएको आरोपमा एक जनालाई पक्राउ गरेको छ ।

पक्राउ पर्नेमा काठमाडौँ महानगरपालिका वडा नम्बर–५ घर भएका ३० वर्षीय किपेश महर्जन छन् ।

अपराध अनुसन्धान कार्यालयका अनुसार महर्जनले विभिन्न व्यक्तिको नाममा वालेट तथा बैंक खाता संचालन गरेर २ करोड ७२ लाख कारोबार गरेको भेटिएको हो ।

अनलाइनमार्फत बेटिङ साइटहरुमा पहुँच राखेर उनले ‘बाजी राख्दा जितिन्छ’ भनेर सट्टेबाजी गराएको प्रहरीको अनुसन्धानबाट खुलेको छ । उनलाई कानुनी कारबाही गर्न जिल्ला प्रहरी परिसर टेकुमा पठाइएको छ ।