श्रीमतीको हत्या गरी फरार भएका नेपाली सेनाका जवान पक्राउ

दाङ । श्रीमतीको हत्या गरी फरार भएका नेपाली सेनाका जवान पक्राउ परेका छन्।

इलाका प्रहरी कार्यालय तुलसीपुरको टोलीले सेनाका जवान ३६ वर्षीय शालिकराम बुढाथोकीलाई तुलसीपुरबाटै पक्राउ गरेको हो ।

बुढाथोकी शनिबार बिहान ८ बजे दाङको तुलसीपुर उपमहानगरपालिका६ कोठामै आफ्नी २७ वर्षीया श्रीमती टीका बुढाथोकीको हत्या गरी फरार भएका थिए ।

उनले खुकुरी प्रहार गरी टीकाको हत्या गरेका थिए। पक्राउ परेका बुढाथोकीले श्रीमतीको हत्या गरेको स्वीकार गरिसकेका छन्।

घटनाबारे थप अनुसन्धान भइरहेको दाङ प्रहरीले जनाएको छ।

प्रतिक्रिया दिनुहोस्

नयाँ अपडेट